BLAERIA, Glossarium mediae et infimae latinitatis, Du Cange et al.

« Blaeria » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 674a. http://ducange.enc.sorbonne.fr/BLAERIA

BLAERIA, Gallis, Droit de Blairie, Occitanis Bladade, jus pascendi pascua in Bladariis, seu agris, in quibus Bladum vel triticum demessum est, quod soli feudi domino, qui Seigneur Blayer dicitur, intra suam jurisdictionem, et illius vassallis et subditis competit, ita ut vicinis alterius jurisdictionis ea facultas interdicta sit. Vide Consuetud. Nivernensem cap. 3. art. 1. et seq. et ibi Coquillium quæst. 263. Legi præterea in Adversariis MSS. Augusti Gallandi Patroni Parisiensis celeberrimi et doctissimi, vocem Blairie, in Episcopatu Matisconensi interdum sumi pro præstatione aliquot garbarum bladi tempore messis, a tenentibus, verbi gratia sex garbarum sicalæ, et in agris pinguioribus sex garbarum frumenti : et de familiis, quæ non tenent boves aratorios, 3. garbarum, et de singulis familiis sex ovorum in festo Paschatis. Cujus quidem præstationis gratia dominus tenetur nominare in media Quadragesima duos Messarios qui messes et vineas recte custodiant, et in forefacto deprehensos in loci carceres adducant. Charta ann. 1248. in Bibliotheca Cluniacensi pag. 1515 :

Inventum est nos in tota terra dicta Cluniacensis Ecclesiæ, infra terminos antedictos, nullam Justitiam altam vel bassam, Blaeriam, aut Praeriam, aut usagium... aut aliquod jus habere.

Alia ann. 1278. ibid pag. 1533 :

In quibus (terris) ego et heredes mei nullam habebimus Blaeriam, seu jurisdictionem.

Aresta ann. 1266. in 1. Regesto Parlamenti fol. 45 :

Dicebat quod... esset in saisina justitiæ et Blaeriæ totius terræ suæ, etc.

Est autem proprie Blaeria, ager cum ipsa messe. Consuet. de Resai in Biturigib. art. 12. apud Thomasserium :

Bleds en Bleerie, et vignes en vignobles sont gardables et defensables, etc.

P. Carpentier, 1766.

◊ Blarie, Ipsa bladorum, quæ ratione terragii debentur, collectio, in Charta Will. comit. Pontiv. ann. 1202. ex Lib. albo domus publ. Abbavil. fol. 176. v°. :

Et se la Blarie de mon terrage faloit en tele maniere qu'ilz n'aient leurs mesures ou muison, je leur parferay à mon molin. Blaverie

vero, Tributum quod ex blado venum adducto exigitur, in Charta Margar. comit. Fland. ann. 1274. ex Chartul. 1. Fland. in Cam. Comput. Insul. ch. 266 :

Nous avons donné à loyal cense..... no tonliu dou blei,... no Blaverie de Bynch, etc.

Chartul. Hannoniæ fol. 72. r°. ex ead. Cam. :

Et si a li quens à Binch se Blaverie. Si prent on de chescun car ki amaine bleit, avaine u autre grain pour vendre iiij. den. dele carete, ij. den. dele kevalée j. den. et dou fais à col j. den.

Haud scio an eo referendum sit quod legitur in Ch. ann. 1347. ex Reg. 76. Chartoph. reg. ch. 368 :

Item le paage et la boiste de Blesance, et les proffis et émolumens venanz à laditte boiste.