BLAKMALE, Tributum quod Angli vel Scoti invicem limitanei potenti alicui limitaneo pendebant, ut a prædonibus ultro citroque incurrentibus tuti essent. Ita vero appellatur, quod juxta pendentium tenuitatem ære vel obsoniis plerumque præstaretur, non argento ; vel quod tenue esset, ac æreum numisma, quod etiam nostri Blanque, seu Blanche maille dicunt. Saxonibus et Angl. quippe Blac et Black est niger ; maille, minutior moneta, ita appellata. Hinc frequens Picardis nostris loquendi formula, de eo qui ne unum quidem denarium habet aut possidet :

Il n'a pas une blanque maille.