BLAVA 1, Glossarium mediae et infimae latinitatis, Du Cange et al.

« 1 blava » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 678b. http://ducange.enc.sorbonne.fr/BLAVA1

1. BLAVA, Blavium, Italis Biava, Idem quod Bladum, et si Pergaminus observet scribi Biada, non Biava. Charta Papiensis ann. 1179. MS :

Utrum commune et homines Portinaghi.... ducere tenerentur Blavam eis impositam in Papiam, vel non,... quod non duxerunt et præsentaverunt in Papia Blavam eis primo anno impositam.

Tregua Trasardi ann. 1194. ap. Pertz. vol. Leg. 2. pag. 197. lin. 5. et 6. Alia Charta ann. 1345 :

Potestas teneatur facere jurare omnes molendinarios.... et custodire granum et Blavam, quod et quæ ad manus pervenerint, et accipere suam rationem tantum, et non ultra.

Ibidem :

Si collegerit herbam in alienis Blavis, vel leguminibus, solvat, etc.

Bulla Innocentii IV. pro Ecclesia Ferrariensi :

Vel ipsarum decimarum, tam in frumento, hordeo, faba, meliea, et alia Blava et leguminibus, quam in vino, etc.

Ogerii Panis Annal. Genuens. ad ann. 1200. apud Murator. tom. 6. col. 383 :

Et per plures dies ibi stetit vastando Blavas, vineas, et arbores per totam vallem ipsam.

Ad ann. 1211. col. 401 :

Pro custodiendis multis innumerabilibus lignis, quæ in maritima pro grano et Blava iverant, quæ cum maxima multitudine et abundantia frumenti Januam venerunt.

Unde colligere est vocem Blava non minus generatim accipi quam Bladum. Vide Hist. Eccles. Placentinam lib. 15. pag. 77. et Statuta Veronens. lib. 8. cap. 78.

Blavium, Eadem notione, in Tabulario Absiensis Monasterii :

Dederunt.... quarteria 7. Blavii, quæ habebant de arbanno in terris de Peloella, etc. A Blava,

et Blavium, dictus Blavier in Statutis Leodiens. art. 21. Sergeant Blavier, in Consuetud. Altisiodor. art. 270. Messarius qui messium, seu frugum custodiæ invigilat.

« 2 blava » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 678b. http://ducange.enc.sorbonne.fr/BLAVA2

2. BLAVA, Lapis cæruleus tegendis ædificiis aptus, quem Galli vocant Ardoise.

Acta SS. April. tom. 3. pag. 393. D. de S. Franca :

Cum una scalia Blavarum oculum unum sibi perforasset.

Vide Blavus.