BLIMARDUS, an Locus ad ferarum custodiam palis, cratibus, muris aut fossis circumseptus ? Charta Theob. comit. Bles. ann. 1186. inter Probat. Hist. Bles. pag. 7 :

Dedi et concessi in perpetuum monachis ejusdem ecclesiæ (S. Launomari) calfagium suum ad novem summarios, et universum usuarium suum, quantum eis opus fuerit ad reparationem ecclesiæ suæ et domorum in tota porprisa abbatiæ : in toto Blimardo et in omni foresta Blesensi.

Infra :

Tunc etiam in defenso per totam forestam, et per totum Blimardum caperent ; excepta solummodo cauda.

An malles de loco in foresta novellis quercubus consito intelligere ? Vide supra Bletneda.