BONECTA, Boneta, Equestris sarcina, pera viatoria, Gall. Malle. Inventar. MS. thes. Sedis Apost. ann. 1295 :

Item quinque Bonectas magnas de licio.

Instr. ann. 1257. ad calcem Stat. Massil. MSS. cap. 70 :

Item in eodem parlamento concessit dictus dominus comes, nomine suo et dictæ dom. comitissæ et hæredum suorum, civibus Massiliæ omnibus et singulis franquesiam, libertatem et immunitatem perpetuo per totam terram suam comitatus Provinciæ et Forqualquerii, de omnibus Bonetis, seu trosseriis, seu de pedagio, quod solvebatur, seu consuetum erat solvi occasione bonetarum seu trosseriarum.

Stat. Astæ ubi de Intrat. portar. cap. 5 :

Quod omnes mercatores.... portantes Bonetas seu maletas super equis, vel alio modo,..... teneantur dictas Bonetas sive maletas aperire, etc. Bonette

et Bonnete, eadem acceptione, in Lit. remiss. ann. 1482. ex Reg. 206. Chartoph. reg. ch. 813 :

Le suppliant print.... une Bonnete et du cordail.

Aliæ ejusd. ann. ibid. ch. 866 :

Le suppliant print sa Bonete, qui estoit à l'arçon de sa selle, de laquelle il recueilly les cops qu'icellui chevaucheur gettoit sur lui.