BRACONAGIUM. Vide Brodæum in Consuetud. Paris. tom. 1. pag. 198. Pagina 273. 2^æ. editionis, ubi voce Braconage significatur jus quoddam insolitum domini in puellas, quæ nubunt, ipsas nimirum deflorandi in prima nuptiarum suarum nocte, ex Comput. domanii Calniac. et comitat. Pontiv. quod etiam aperte declaratur in Recognit. feudali Joannis dom. de Mareuil ann. 1228 :

Et mi comme sire de Mareuil puet et loit avoir droit de Braconage sur filles et filletes en medite seigneurie : si se marient, et si ne les braconne, échent en deux solz enver ledite seigneurie.

Ubi Braconner, est eo jure uti. Hujus mentio præterea occurrit in Consuet. locali MS. Auxeii castelli ; a qua homines Ruguæ, uxoris suæ precibus, liberos jussit esse Guillelmus III. Pontivi comes. Vide Marcheta.