BUBALUS, Glossarium mediae et infimae latinitatis, Du Cange et al.

« Bubalus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 763c. http://ducange.enc.sorbonne.fr/BUBALUS

BUBALUS, Bufalus, Buflus, Gall. Buffle. Ebrardus in Græcismo cap. 9 :

Bos est camporum, Bubalus est nemorum.

Bubalus est magnus, Buculus est minimus.

Bubalus, in Lege Alaman. tit. 99. § 1. Bojoar. tit. 29. § 7. apud Gregor. Tur. lib. 10. cap. 10. etc. Ordericus Vital. lib. 4 :

Bubalina cornua fulvo metallo circa extremitates utrasque decorata laude attollebat.

Vox Bubalus omitti poterat, utpote nota Plinio, et Martiali. Hic de Spectac. Epigr. 23 :

Illi cessit atrox Bubalus atque bison.

Bufalus. Fortunatus lib. 7. Poem. 4 :

Seu validi Bufali ferit inter cornua campum.

P. Carpentier, 1766.

◊ Nostris Bugle. Glossar. Gall. Lat. ex Cod. reg. 7684 : Bugle, Bubalus, buef sauvage. Pro bove domito, occurrit in Chron. Foroliv. apud Murator. tom. 19. Script. Ital. col. 884 :

Duxerunt multos Bubalos prædicti malatestæ.

Buflus, apud Albertum Aquensem lib. 2. cap. 43. lib. 6. cap. 42. Vide Julium Scaligerum Exerc. 206. num. 3. 5. Lindenbrogium ad Ammiani lib. 22. et alios passim.