« »
 
[]« Bulgari » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 772b. http://ducange.enc.sorbonne.fr/BULGARI
BULGARI, Bugari, Bugeri, Hæretici, qui vulgo Albigenses in Francia, alibi Paterini, Cathari, etc. Manichæorum asseclæ. Matth. Paris ann. 1238. de quodam Roberto Dominicano scribens, qui in Flandriam missus est cum officio Inquisitoris :
Ipsos autem nomine vulgari Bugaros appellavit, sive essent Paterini, sive Joviniani, vel Albigenses, vel aliis hæresibus maculati.
Philippus Mouskes, de eodem Roberto :
Si estoient Bougre nommé,
De fausse loy pris et prouvé, etc.
Vide Matth. Westmonast. ann. 1236. Et infra in voce Pifli. Monachus Altisiod. ann. 1201 :
Evraudus Miles, hæresis illius, quam Bulgarorum vocant, coram Legato arguitur.
Idem ann. 1206 :
Hæreticos, quos Bulgaros vocant, vehementer studuit insectari, ejusque instantia actum est, ut plerique rebus suis exinanirentur, exterminarentur alii, alii cremarentur.
Anno denique 1207. satis docet idem Scriptor, eosdem fuisse Bulgaros cum Albigensibus :
Per idem tempus Bulgarorum hæresis execranda, errorum omnium fæx extrema, multis serpebat in locis, tanto nocentius, quanto latentius ; sed invaluerat [] maxime in terra Comitis Tolosani, et Principum vicinorum.
Adde Nangium in Chron. eod. ann. 1027. Hist. Francorum MS. quæ exstat in Bibl. Memmiana, ann. 1223. de Philippo Aug. :
Envoia son fils en Albigeois pour destruire l'heresie des Bougres du pays.
Alia, quæ desinit in ann. 1322. ad ann. 1225 :
En cest an fist ardoir les Bougres freres Jeans, qui estoit de l'Ordre des Freres Prescheurs.
◊ Bulgarorum hæresim a detestando Manichæo originem sumpsisse, auctor est Albericus in Chronico MS. ann. 1239. ubi ejusmodi hæreticos in Campania ignis supplicio damnatos refert : sic enim obtinuit S. Ludovico imperante. Stabilimenta ejusdem S. Ludovici lib. 1. cap. 83 :
Se aucuns est soupeçonné de Bouguerie, la Justice le doit prendre, et l'envoier à l'Evesque ; et se il en estoit prouvez, l'on le doit ardoir.
◊ Bulgaros vero Albigenses hæreticos appellarunt nostri, quod Bulgari eorum hæresi maxime infecti essent, qui eam ab Orientalibus et Græcis Manichæis hauserant, Basilio Macedone imperante, uti fusius narrat Petrus Siculus in Hist. Manichæorum statim initio : deinde quod eorum summus Pontifex, cui cæteri ejusdem sectæ ministri obnoxii erant, in Bulgaria sedem fixisset. Episcopus Portuensis in Epistola apud Matth. Paris ann. 1223 :
Ille homo perditus, qui extollitur supra omne quod colitur, aut quod dicitur Deus, jam habet perfidiæ suæ præambulum hæresiarcham, quem hæretici Albigenses Papam suum appellant, habitantem in finibus Bulgarorum, Croatiæ, et Dalmatiæ, juxta Hungarorum nationem. Ad eum confluunt hæretici Albigenses, ut ad eorum consulta respondeat.
Reinerus lib. contra Valdenses cap. 6. recensens Ecclesias, uti vocabant, Catharorum, qui iidem sunt cum Valdensibus et Bulgaris, Ecclesiam Bulgarorum nominat, a qua cæteras profluxisse ait pag. 71. et cui præfuisse subdit Episcopum et Filium majorem Ecclesiæ Bulgariæ appellatum, pag. 78. Vide Marcam lib. 8. Hist. Beneharn. n. 2. et seqq.
P. Carpentier, 1766.
◊ Quorum hæresis Borguezie appellatur, in Chron. S. Dion. lib. 3. cap. 14 :
Quant li évesque ot la Borguezie entendu, etc.
Dicti præterea Bulgari, puerorum corruptores : unde Bougeronner, cum pueris rem habere, in Lit. remiss. ann. 1477. ex Reg. 206. Chartoph. reg. ch. 1115 :
Fut rapporté et estoit commune renommée, que icellui Lombart Bougeronnoit, ou s'efforçoit Bougeronner aucuns des enfans, qui gardoient avec lui aux champs le bestail.
Hispan. Bujarron, masculorum concubitor.
◊ Interdum Bulgari, seu Bougres, dicti ϰτηνοϐάται. Regestum Arestorum Parlamenti :
Bougrerie, si est habiter avec les bestes.
Vetus Franciæ Consuetudinarium :
Le haut Justicier a la punition de Bougerie, et là doit la Justice temporelle faire ardoir.
P. Carpentier, 1766.
◊ Haud scio an huc pertineat vox Boullacre, quæ grave convicium est apud Sanctones. Lit. remiss. ann. 1417. in Reg. 170. ch. 10 :
Lequel Noulin demanda à icellui Guillot, où estoit ce ribault Boullacre, en parlant de Jehan Girault ;... lequel mot Boullacre estoit tenu et reputé moult injurieux au païs
(de Saintonge). Alia videtur prorsus a vulgari Pouacre, qua homo spurcus significatur.
◊ Denique Bulgaros vocabant nostri usurarios omnes, quia ejusmodi hominum genus usurariis mercimoniis operam dabant. Matthæus Paris ann. 1255 :
Ipsi usurarii, quos Franci Bugeros vulgariter [] appellant.
Vetus Rotulus ann. 1233 :
Pro rebus saisiendis Caorsini capti propter Brogrisiam 7. libr. etc.
© École des chartes.