BURBAN, Burchban, Banleuca, quasi Burgi bannum. Notitia de jure Advocatorum Epternacensis Monasterii ann. 1095. apud Marten. Collect. Ampliss. tom. 1. col. 551 :

Si quis infregerit bannum, quod Theotonica lingua Burgban dicitur.

Charta Friderici II. Imp. ann. 1242. pro Coloniensibus :

Infra Coloniam et terminos ipsius civitatis, qui dicuntur Burban,

apud Maximilianum Henricum in Apolog. part. 2. pag. 10. 16. Charta Caroli IV. Imp. ann. 1356. apud eumdem pag. 95 :

Et nihilominus eisdem civibus et civitati Coloniensi illam consuetudinem, qua quandam libertatem, quæ dicitur Burchban (infra Burgban) et Ban ville habuisse et habere, ut dicitur, confirmaverimus, etc.

Vide Burgus. Haltaus. Glossar. German. col. 193. Burgbann et Jurisdictionem in urbe, præcipue superiorem, et Territorium quousque urbana patet jurisdictio significare scribit. Chart. Otton. ann. 940. in Falck. Tradit. Corb. pag. 209 :

Nullus horum aut aliqua judiciaria potestas super præfatos homines potestatem ullius Banni, quam Burgban vocant, habeat nisi ipsius monasterii abba, etc.

Chart. Conrad. II. ann. 1147. ap. Ludew. Reliq. MS. tom. 7. pag. 514 :

Præfectura urbis quæ vulgo dicitur Burgban.

Confer Wichbild.