« »
 
[]« 5 burdo » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 781b. http://ducange.enc.sorbonne.fr/BURDO5
5. BURDO, Baculus. A Burdonibus, seu asinis, aut semimulis, quos inequitabant et insidebant, qui peregre proficiscebantnur, nomen mansit longiusculis baculis, quos gestare solebant peregrini nostri Hierosolymitani pedites, quibus equitaturæ loco quodammodo erant. Papias : Verubus, virgis ferreis, Burdonibus. Raimundus Montanerius in Chron. Reg. Aragon. cap. 159 :
E al llevar del Almiral, vaerets colps de daats, [] et de llances, et dels Francesos colps de Bordons.
Hubertus Sipuntinus apud Vincentium Belvacensem lib. 26. cap. 27 :
Burdonem habeat pro lancea, et sacculum pro parma, etc.
Vita S. Nili Confessoris apud Marten. tom. 6. Ampliss. Collect. col. 937 :
Burdonem quem habebat Basilius Dux Calabriæ dans cuidam ad eam rem aptissimo, Panormum misit.
MS :
Le chapel prent, l'escharpe et le doublier,
Et le Bordon qui ni volt pas laissier.
Balduinus de Condato MS :
... Pris ai Bourdon,
Eschierpe, si come chil autre
Pelerin soi chapiel de fautre.
Chr. Bertrandi Guesclini MS :
A loi de pelerin de cors et de façon,
L'escharpe avoit au col, en la main le Bourdon.
Vetus Poeta Hispanus apud Bivarium ad Pseudo-Chron. Maximi pag. 337. ait, seu fingit, Alexandrum M. post subjugatam Ægyptum, Jovis Ammonis templum pietatis ergo adiisse, et sportellam sumpsisse et burdonem Sanchez, v. 1119. :
Priso su esportiella, è priso su Bordon.
Alias de vocis origine conjecturas vide apud Octavium Ferrarium in Originib. linguæ Italicæ, Menagium in Dictionario etymol. Gallic. Adde quæ ad Joinvillam adnotavimus Dissertat. 15.
les Bénédictins de St. Maur, 1733–1736.
◊ Eccardus in notis ad legem Salic. tit. 37. art. 1. pag. 70. Burdonis etymon, rejectis aliorum opinationibus, arcessit a Saxonico Bœren, Portare, sustinere, inde, inquit, formatur Bort, Bordo, Burdo, quo proprie Portans, sustentaculum, fulcrum denotatur ; atque ita et asino oneribus portandis aptissimo animali, et fulcro cuivis competit rectissime. Eruditissimo scriptore haud indigna opinio.
Burdonarii, a burdonibus seu baculis peregrinatoriis, per contemptum appellati Peregrini nostri olim ab Albigensibus, ut auctor est Monachus Vallis Sarnai cap. 62 :
Burdonarios autem vocabant Peregrinos, eo quod baculos deferre solerent, quos lingua communi Burdones vocamus.
Burdonarii, vel Bordonarii, Asinorum curatores, agasones, in Constit. Sicul. lib. 3. tit. 38. § 1.
© École des chartes.