BURGENSIS, Moneta argentea minutior, in Gallia Philippo Pulchro regnante primum cusa. Vetus Regestum Cameræ Comput Paris. :

Ad Candel. 1310. incœperunt Burgenses, et fuerunt ad Natale S. Mariæ.

Edictum quod est Januarii 27. habet :

Avons ordené à faire monnoye, c'est à savoir petitz deniers noirs, qui sont et seront appellé Bourgois.

Nangius in Chron. ann. 1313 :

Philippus Rex Franciæ circa festum B. Virginis monetam Burgensium, quam fieri fecerat, et per biennium Parisiis cursum suum habuerat, quod alias in regno Franciæ fuerat inauditum, præsertim cum justi pretii et ponderis æquitate cæteris paribus æquipolleret, etc.

Cusos etiam Burgenses Leodii docet Radulphus de Rivo in Vita Engilberti a Marka Episc. Leod. cap. 2 :

Nam denarios, vulgo Burgenses dictos, valoris 2. solidorum mox cudit, qui non multis post annis 6. solidorum valorem superarunt.

Vide Moneta argentea in Moneta Regia.