1. CABUS, Cabistercus. Papias : Cabistercus, vacuum et inane, vel illud intestinum, quod stercus capit. MS. Cabistercus et Capistercus, etc. Joan. de Janua. Cabus, nomen est mensuræ, de qua Regum lib. 4. cap. 6. quarta pars Cabi, sc. stercoris columbarum, et, ut dicit Josephus, hoc condiebant cibos pro sale. Item in Historiis dicitur. Tradunt quidam nomine stercoris dici vesiculam columbæ, in qua ricipiebantur grana de foris allata. Κάϐος, εἶδος μέτρου, Phavorino. Vide Henric. Stephan. thesaur. ling. Gr. in Κάβος, ed. Didot. vol. 4. col. 749. Vetus Charta Lusitanica apud. Anton. Brandaon. lib. 7. cap. 30 :

Proinde quod vos fecistis honorem et Cabum super me, et fecistis mihi servitium bonum et fidele.

Ubi editor, com respeito et bon acolhimento. Vide S. Rosa de Viterbo Elucidar. tom. 1. pag. 222. voce Cabo.