CAMINERIUS, Chaminerius, Mercator, qui vehiculo, Camion nuncupato, merces suas per agros vehit. Vide infra Campolus 2. Charta ann. 1250. in Reg. S. Ludov. ex Chartoph. reg. fol. 100. v°. :

De blado vero et de sale homines Carcassonæ nichil tenentur dare in prædictis locis in eundo et redeundo, nisi sit Caminerius consuetus.

Libert. Brianc. ann. 1343. tom. 7. Ordinat. reg. Franc. pag. 731. art. 27 :

Quod nullo unquam tempore de cetero officiales aliqui vel nobiles alii quicumque Dalphinatus aliquas bestias adventureriorum vel aliarum quarumlibet personarum Brianczonesii, merchatorum vel Chamineriorum ejusdem bailliviæ Brianczonesii, accipere possint, nec eis liceat, vel detinere pro summeriis ad eundum ad aliquas cavalgatas.

Vide infra Cheminus 2.