Pendant que le suppliant estoit en franchise, l'en proceda contre lui par bannissement..... Après ces choses demanda ledit suppliant Chemin royal à laditte justice, ainsi qu'il est accoustumé de faire audit lieu de Rouen ; ce qui lui fut accordé, et de fait fut mené par la justice dudit lieu jusques à une lieue dudit Rouen en tirant vers S. Maslo de Lisle, ainsi qu'il avoit requis : mais pour ce qu'il ne lui fut aucunement baillié lettre de seureté de sa personne, ne osa tenir le chemin à lui baillié.

Pour ce que le suppliant fu hastivement poursuivi de justice, se bouta en franchise en l'église de la parroisse, où il fu bien un mois ou environ. Après requist voye de droit lui estre ouverte, selon la coustume et usaige du pays. Pourquoy il eust esté délivré et mis hors de l'église par quatre chevaliers par l'ordonnance de justice et eust esté banni de nostre duchié de Normandie.