2. CAMINUS, Via, iter ; Italis et Hispanis Camino, Gallis Chemin. Notitia Episcopatuum Hispan. a Wamba Rege confecta :

Oxoma teneat de furca usque ad Aylanzon, quomodo currit in Camino S. Petri, qui vadit ad S. Jacobum.

Usatici Barcinonenses cap. 55 :

Camini et stratæ per terram et per mare sint de Potestate, et per illius defensionem debent esse in pace et treuga per omnes dies et noctes, etc.

Occurrit pluries in Chartis Hispanicis apud Hieron. Blancam. pag. 607. 627. tom. 8. Spicilegii Acheriani pag. 369. in Epist. 57. ex iis, quæ habentur tom. 4. Hist. Franc. in Charta Guntranni Regis apud Sanjulianum in Cabilone pag. 382. in Consilio Avenionensi ann. 1279. can. 1. in Hist. Dalphin. tom. 2. pag. 94. col. 1. ex Instrum. anni 1271. in Statutis Arelat. MSS. art. 40. Chartis Massil. Chart. ann. 1273. ap. Delpit. Recognit. Feodor. Aquitan. pag. 91 :

De Camino seu de itinere mercadili.

etc. Vide Caminarius supra, et Oct. Ferrarium in Orig. Ital. V. Caminare. Murator. Antiq. Ital. vol. 2. col. 1178. D.