CANATUS, Cannatus, Cannarum seu palorum series in fluvio posita, ne pisces ultra possint ascendere, et ut facilius capiantur. Comput. ann. 1494. inter Probat. tom. 4. Hist. Nem. pag. 60. col. 1 :

Ad exequendum contra aliquos de Uchavo instrumentum impedimenti in ripperia Vistri ne pisces possent ascendere, in præjudicium reipublicæ, ad tollendum et frangendum Canatos et quæcumque impedimenta apposita.

Et col. 2 :

Item solverunt..... Petro Barreriæ.... pro suo viatgio facto ad Cannatos Vistri, etc. Item pariter.... Petrus Casesnovas laborator, quartus consul, accessit ad dictos Cannatos, quia in talibus expertus, etc.

Stat. ant. Florent. lib. 3. cap. 184. ex Cod. reg. 4621 :

Nullus audeat..... mittere vel tenere in flumine Arni.... aliquam sepem vel Cannatum ad impediendum ne pisces possint venire per dictum flumen ad dictam civitatem Florentiæ,....... exceptis Cannatibus et sepibus antedictis.

Vide supra Canagium et infra Cannitia.