« »
 
[]« 1 carcer sub terram » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 162b. http://ducange.enc.sorbonne.fr/CARCER1
1. CARCER sub Terram. Lex Longob. tit. 57. lib. 1. tit. 25. § 54. Liutpr. lib. 6. cap. 26. :
De furonibus unusquisque judex in civitate sua faciat Carcerem sub Terram... et immittat in ipsum carcerem ad annos duos, etc.
Nostris Cul-de-bassefosse. Passio S. Felicis Episcopi Tubizacensis :
Jussit eum legatus in ima Carceris[] mitti.
Vide Haltaus. Glossar. German. col. 607.
Carcer Canonicalis Disciplinæ, in Concilio Coloniensi ann. 1260. can. 1. ubi vulgo Episcopalis. De carcere monachico agitur in Capitulari Aquisgranensi ann. 817. cap. 40. et in Monastico Cisterciensi pag. 11. Vide Decanicum. Huc spectat Epistola ad Rotrodum Archiepisc. Rotomag. in nupera Conciliorum. Rotomag. Eccles. Editione pag. 159 :
Si vero Clericus aliquis pro suis culpis a ministerialibus Prælatorum Ecclesiæ captus fuerit, non patiaris eum custodiæ publicæ mancipari, aut in carcerem Laicorum retrudi, sed potius in domo tua, vel alterius Ecclesiasticæ personæ, ejus custodiæ locum facias congruum provideri, ubi secundum qualitatem et quantitatem delicti debeat custodiri.
Carcer Tædialis, apud Foristas Aragonenses, dicitur quando aliquis est captus pro debito civili. Vide Michaelem del Molino in Repertorio Fororum Aragon.
Carceris Immunitas, data dicebatur hæreticis Albigensibus
infra certam diem sponte venientibus, pœnitentibus, et tam de se quam de aliis plenam dicentibus veritatem, quibus quidem variæ pœnitentiæ injungebantur : cum hæretici et credentes, qui veritatem de se vel de aliis suppresserant, vel infra tempus indulgentiæ non venerant, perpetuo carceri addicerentur.
Concilium Narbonense ann. 1235. can. 49.
P. Carpentier, 1766.
◊ Glossar. vet. ex Cod. reg. 7641 : Carcer, metallum, ergastulum, custodia, vel spelunca ventorum, vel forceps.
les Bénédictins de St. Maur, 1733–1736.
Carcerales Catenæ, apud Rymerum tom. 1.
les Bénédictins de St. Maur, 1733–1736.
Carceraliter Inclaustrari, pro Carcere concludi, in Litteris Clementis Papæ pro Monasterio S. Joannis Angeriac. ex Chartulario ejusd. Cœnobii pag. 400.
les Bénédictins de St. Maur, 1733–1736.
Carcerare, In carcerem conjicere, carcere detineri, apud eumdem Rymerum tom. 4. pag. 39. et tom. 4. Concil. Hisp. pag. 12. col. 1. in Litteris mox laudatis Clementis Papæ ex Chartulario S. Joannis Angeriac. pag. 401. Carceratus, in Legibus Norman. cap. 50. apud Ludewig. Reliq. MSS. tom. 7. pag. 252. et in Breviario Hist. Pisanæ apud Muratorium tom. 6. col. 171.
© École des chartes.