DECANICUM, vel ut alii legunt Decanica. Carcer Ecclesiasticus. Carcer canonicalis disciplinæ, in Concilio Coloniensi ann. 1260. cap. 1. 2. Julianus Antecessor Constit. 73 :

Executor autem litium constitutus in Decanicis Ecclesiarum recludatur, pœnas competentes luiturus.

Totidem habentur lib. 5. Capitul. Caroli M. cap. 225. 378. ubi Novella Justiniani 79. cap. 3. habet ἐν τοῖς ϰαλουμένοις δεϰανιϰοις. Concilium Lambethense ann. 1261 :

Quilibet Episcopus in suo Episcopatu habeat unum vel duos carceres,... pro Clericis flagitiosis deprehensis in crimine, vel convictis, juxta censuram canonicam detinendis.

Vide Carcer, Diaconicum et Descriptionem S. Sophiæ num. 84. Glossar. med. Græcit. voce Διϰανιϰόν et H. Stephani Thesaur. voce Δεϰανιϰόν.