« »
 
[]« 1 cariagium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 169a. http://ducange.enc.sorbonne.fr/CARIAGIUM1
1. CARIAGIUM, Vectura cum carro, quam quis domino præstare debet : nostris Chariage. Charta Chilperici Regis pro Eccl. Tornacensi in Cod. Donat. piar. lib. 1. cap. 2 :
Teloneum de navibus super fluvio Scalt, qui pertinet ad fiscum Tornacum, vel quolibet commercio, seu et de Cariagio, vel de sagenis, etc.
Editio ann. 1723. tom. 2. pag. 1310. col. 1. præfert Carrigio et Saginis. Iter Camerarii Scotici cap. 42 :
De non solutis pauperibus, Cariagium, vel alios labores facientibus.
Charta Joannis Regis Angl. tom. 1. Monastici Anglic. pag. 310 :
De francoplegio, et lastagio, et stallagio, et Carriagio, et pannagio... liberi sint.
Thomas Walsinghamus pag. 562 :
Mense Aprili concessa fuit per Clerum una decima conditionaliter, scilicet ne quis Provisorum de cætero capiat bona vel Cariagia de Ecclesiasticis contra voluntatem eorum.
Charta Richardi Regis Angl. tom. 4. Hist. Harcur. pag. 1281 :
Prædicti Monachi... sint quieti de theloneo et portagio et passagio... et Cariagio et tallagiis.
Chartularium SS. Trinit. Cadom. fol. 61 :
Debent.... pasnagium et Cariagium, etc.
Statuta Gildæ Scoticæ cap. 38 :
Statutum est quod quilibet Burgensis dabit plenum Cariagium pro quolibet dolio vini quod ponet in taberna.
Fleta lib. 1. cap. 20. § 85 :
De his qui receperint plures equos et carectas ad Cariagia Regis facienda aliter quam necesse fuerit.
Charta ann. 1240. in Tabulario Lehunensi num. 85 :
Recognoverunt se hereditarie vendidisse... per tredecies 20. libr. Paris. sibi persolutas unum Cariagium, cum duobus jornalibus terræ sitæ in territorio de Lehuno in cultura de [] Faies, in una pechia, quod, inquam, Cariagium et terram dictus H. tenebat de dictis Priore et Conventu.
Videtur idem quod Caragium, sive Carrucagium, Terræ aratro cultæ.
Cariagium interdum etiam accipitur pro impedimento exercitus, et congerie illa carrorum, quæ exercitus subsequi solet, et qua acies ipsa munitur. Thom. Walsinghamus in Ricardo II :
Cum nostri certam elegissent stationem et armatos statuissent ordinate, et pulcre dispositos per turmas suas, Cariagium quoque (quod Garcinas appellamus) a tergo locassent. Καραγός,
eadem notione usurpant Tactici Græci, sicque definitur a Leone Imp. cap. 4. § 53 :
Καραγὸς δὲ λέγεται ὁ διὰ τῶν ἁμαξῶν ϰαὶ τριϐόλων, ϰαὶ τῶν ἄλλων μηχανῶν γινόμενος περιόρισμος εἰς ἀσφάλειαν τοῦ στρατοῦ.
Et cap. 11. § 47 :
Καραγὸν δὲ λέγομεν τὰς ἁμάξας, ϰαὶ δι᾽ ἀυτῶν περιτευχισμόν.
Carigo vero idem valet quod onus Cariagii, in Charta Caroli M. apud Aimoinum lib. 5. cap. 1 :
Nec de saumis, nec de Carigine, neque de navigio, neque de qualibet redhibitione.
Carrago, apud Pollionem in Claudio :
Adde servos, adde familias, adde Carraginem et epota flumina, consumptasque silvas.
Ubi Carrago est carrorum numerus immensus, unde Itali Carregio eadem notione dicunt. Julius Capitolinus in Galieno :
Scythæ facta Carragine per montem Gessacem fugere sunt conati.
© École des chartes.