« »
 
[]« 1 carola » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 180c. http://ducange.enc.sorbonne.fr/CAROLA1
1. CAROLA, karola. Statuta Ord. Præmonstrat. dist. 1. cap. 9 :
Porro in claustro Carolæ vel hujusmodi, scriptoria aut cistæ cum clavibus in dormitorio, nisi de Abbatis licentia nullatenus habeantur.
Visitatio Thesaurariæ ædis S. Pauli London. ann. 1295 :
Morsus Joan. de S. Laurentio argenteus deauratus, cum limbo et medio circulo aurato triphoriato, inserto grossis lapidibus et camahutis et perlis : sed deficiunt 2. leunculi, et una perla magna, et una Karola et 7. lapilli, etc.
Alibi :
Feretrum S. Athelberti,... et affiguntur in una parte 10. oboli de Marchia, et 2. annuli aurei ; et deficiunt lapides cum Karolis 51.
Rursum :
Et unum annulum cum saphyro magno, et Karola in circuitu 7. lapidum et 8. perlarum.
Ibidem :
Et deficit lapis unus in parte posteriori, et in altero pendulorum (mitræ) deficiunt 3. catenulæ cum Karolis argenteis appensis.
Ibid. :
Stola et manipulus cum nodis oblongis, et amictus cum puellis (f. perlis) Karolantibus, et cingulum de filo.
Rursum :
Item Carollæ ferreæ ante crucem et S. Radegundam.
les Bénédictins de St. Maur, 1733–1736.
◊ Si unus esset hic locus postremus, Carollæ ferreæ ante crucem et S. Radegundam, crederem Carolas nihil aliud esse quam clathros seu columellas fabrefactas, olim in quibusdam Galliarum provinciis, in Normannia saltem, dictas Caroles. Hinc in antiquis usibus S. Vandregesili legitur pro certis diebus ; Processio fit per Carolas, hoc est, per circuitum Capellarum clathris clausarum. Sed quid hæc cum aliis locis ? An dici posset in iis locis Carolas esse minutiora quædam opuscula aurea vel argentea, contextave ex lapidibus pretiosis, perlis Karolantibus, ad instar clathrorum fabrefacta ? Penes attentum lectorem esto judicium. Carole nostris alias, hodieque Italis Carola chorea est. [] An inde clathri dicti Carole, quod orbem saltatorium utcumque representent ?
P. Carpentier, 1766.
◊ Ea voce significari videtur id omne, quod aliquid circumseditur et vallatur : hinc pro Pala, Gall, Chaton, et Clathris quibus capellæ clauduntur, intelligenda forte est, in locis a Cangio laudatis, ut et in Martyrol. S. Fidis ex Cod. reg. 5198 :
Anno 1380. Redditus dati confratriæ B. Mariæ.... pro faciendo Karolam in monasterio sive in capella B. Mariæ.
Detorta vero paululum notione, accipi videtur pro Comitatu, in eod. Martyrol. :
xix Kal. Februarii Translatio S. Fidis in cappis, et cum Karola ; sed sine processione.... iiii. Non. Febr. Purificatio B. M. V. in cappis, et cum Karola, tam sacristæ quam confratriæ, et cum processione... Annunciatio Dominica in cappis, et cum Karola, tam sacristæ quam B. Mariæ, et cum processione.
Unde Carroler, pro Munire, Gall. Garnir, in Lit. remiss. ann. 1477. ex Reg. 205. Chartoph. reg. ch. 422 :
Le suppliant ala à Quelaines pour faire Carroler ses souliers.
Nisi sit pro Carreler, Calceis solum coriaceum suppingere, vel clavis aliove ferro munire, ut in aliis Lit. ann. 1409. ex Reg. 164. ch. 118 :
Lequel Morel frappa feu Eliot d'uns soulliers Carrelez que il portoit.
Vide supra Carectum et Careda.
© École des chartes.