CARRAYRERIUS, Carreyrerius, Carreyrius, Cui carreriarum seu viarum publicarum cura demandata erat. Charta Libert. castri de Cusciaco ann. 1333. in Reg. 69. Chartoph. reg. ch. 54 :

Quod dicti consules possint eligere Carrayrerios seu probos homines, qui possint et valeant omnia impedimenta indebite in viis seu carreriis publicis apposita removere.

Alia pro Clarom. in Lodov. ann. 1341. tom. 8. Ordinat. reg. Franc. pag. 278 :

Consules.... eligere possent et nominare annis singulis certos homines pro cura habenda de carreriis et viis, tam in dicto castro quam ejus terminalibus et territoriis.... Dominus dicti loci seu ejus bajuli (bajulus) ad notificacionem prædictorum Carreyriorum..... de viis seu carreriis prædictis ordinarent :... verumptamen si circa præmissa aliqua oppositio fieret per partem aliquam, verbo vel aliter, cognicio et execucio præmissorum non ad ipsos Carreyrerios, sed ad dominum dicti loci seu ejus curiales solum et in solidum pertineret. Carreyrenos,

pro Carreyrerios, in Lit ann. 1366. tom. 4. earumd. Ordinat. pag. 676. art. 7. Vide Carreria 1.