1. CARRERIA, Via : sed illa proprie per quam Carrus transire potest : item, vicus, platea, Gall. Rue. Provincialibus Carriero platea est, Carrairo, via per quam adiguntur animalia sive ad ea pascenda, sive adaquanda, Carreirou semita peditum. Ἀμάξιτος, ή δημοσία ὁδός, in Glossis MSS. Καθημαξενομένη ὁδός, Constantino Porphyrog. Gloss. Lat. Gall. : Exorbita, Charriere. Carrera, in Foris Beneharn. Charran, in Consuetud. Inculismensi art. 88. Charriere, in Bononiensi art. 176. Carriere, in Claromontana art. 228. ubi Carreria dicitur esse via lata 8. pedum, per quam Carreta potest transire, Carriero, Carrairou, et Carrairol, via, semita, Occitanis. Via Carraria, apud Innocentium III. PP. in Bullario Casinensi tom. 2. pag. 242. Charta Odonis Regis apud Catellum in Historia Occitan. pag. 749 :

Si infra istam villam. vel Carrerias ejus Hostellenses vel Hispani fuerint, etc.

Charta Willelmi D. de Montepessulano ann. 1188 :

In latitudine durat ab ipso muro usque in Carreriam publicam, quæ est ante ipsum planum, quæ Carreria vadit de Camino introitus portalis S. Guillielmi usque ad Perronem.

Bernardi Guidonis Historia Fundat. Conventuum Prædicat. apud Martenium tom. 6. Ampliss. Collect. col. 459 :

In præfata Ecclesia S. Romani Tolosani manserunt Fratres Conventualiter annis circiter 15. postmodum autem propter loci arctitudinem et dilatandi quasi impossibilitatem, quia Carreriis publicis cingitur hinc inde, transtulerunt se Fratres ad locum, quem nunc inhabitant.

Statuta Massil. pag. 156 et 157 :

Consules..... faciant teneri firmiter omnes catenas ferreas Massiliæ, quæ positæ sunt per Carrerias, seu fixæ in parietibus transversarum, ita quod nemo sit ausus aliquam illarum catenarum removere.

Ibidem pag. 197 :

In Carreria Palatii

, Massil. Cariere, Gall. Rue du Palais. Carreria de ponte, Gall. Rue du Pont, quæ exstat usque hodie, Carreria Fustariæ, Gall. Rue de la Menuiserie, in veteri Martyrologio Ecclesiæ S. Salvatoris Aquensis, ubi annotantur Obitus et fundationes ejusdem Ecclesiæ. Conventiones Ludovici Regis Siciliæ et Hierusal. cum Arelat. ann. 1385. e MS. D. Brunet :

Item confirmant dicti Domina et Rex ac Comites Judæis in dicta urbe Arelatis habitantibus..... domos, Carrerias in quibus habitant.

Secunda Curia Generalis Barcinonæ habita ann. 1299. a Jacobo II. Rege Aragon. :

Et per quoscunque caminos et Carrerias, voluerit ire, etc.

Consuetudines Tolosæ part. 2 :

Si aliquis res mobiles in Tolosa publice, in Carreria publica, vel in foro, vel in die fori, etc.

Part. 4. Rub. de Ædificiis :

Si quis aulam lapideam ex parte Carreriæ solerium de novo ædificare voluerit, etc.

Charta Hispanica æræ 1298. apud Bivarium :

El Monasterio... que es en termino de Toledo, cerca de los molinos de Santa Trinidad ... à un lado de la Carrera, que va para Talavera, etc.

Philippus Mouskes in Ludovico VIII :

Quant Mestre Amauri adreça

L'Engignor, le vaillant ome,

Si la fraut et mist à some,

Que mors caï en la Carriere.

et d'Amy MS. :

Si vit venir Amy par la Charriere.

Vide Chronicon Ecclesiæ S. Pauli Narbonensis ann. 1388. Opuscula Joannis Columbi pag. 56. 443. Catellum in Comitibus Tolosanis pag. 229. Guichenonum in Probat. Historiæ Bressensis pag. 109. etc.