CATENATICUM, quod Catenarum nomine Commentariensi datur : idem quod Carceraticum, Geolagium, Ceppagium. Lex Wisigoth. lib. 7. tit. 4. § 4 :

Judex si aliquos in custodia retinuerit, vel hi qui reos capiunt, aut custodiendos accipiunt, ab his quos in custodia miserint innocentes, Catenatici nomine nil requirant, nec pro absolutione eorum aliquid beneficii consequantur.

Porro catenam, pro carcere dixit Jul. Firmicus lib. 3. Mathes. cap. 6 :

Clavicularii, vel carcerum custodes, et quibus publicarum Catenarum cura credatur.

Concil. Toletan. XIII. can. 1 :

Ad statum dignitatis pristinæ redeant, et nulla deinceps illis ob hoc Catena judicialis obsistat.

Conf. Haltaus. Glossar. German. voc. Fahegulden. et Fanggeld, col. 419. et 435.