« »
 
[]« Caupulus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 240b. http://ducange.enc.sorbonne.fr/CAUPULUS
CAUPULUS, Caupillus. Gloss. Isid. : Caupulus, Navis ; Caupilus, Navicula brevis. Papias : Caupillus, lignum cavatum, quasi cymba, lembus, carabus brevis. Idem : Lintris, navicula parva, Caupillus. Idem MS. habet : Lembus, Navicula brevis quæ alias dicitur cimba et Caupilus. Glossar. Sangerman. MS. n. 501 : Caupilus, Lignum cavatum, cumba, id est, velut carabum valde previssimum. Hoc etiam alio vocabulo lintrem vocamus, et alia appellatione lembum dicimus, quod quidem Caupilum, cumbam, lintrem, lembum, navicula minissima sive carabum valde brebissimum intelligere debemus. Glossar. Avenion : Caupulus, Lembus sive linter. Gloss. Saxon. Ælfrici : Navis, vel faselus... vel cimba, vel Campolus. Leg. Caupulus. Omnes ex Isidor. Origin. lib. 19. cap. 1. sect. 25. Vide etiam Gellium lib. 10. cap. 25. et Placid. ap. Maium tom. 6. pag. 557. Lex Burgund.[] addit. 1. tit. 7 :
Quicunque navis Caupulum involare præsumpserit, inferat ei cujus est navis, sol. 17. et mulctæ nomine sol. 4.
pro caupulo vero sol. 4. et mulctæ nomine sol. 2. Ubi Caupulus pro scapha navis usurpatur : sic autem dictus quod caupi formam referat. Statuta Massil. lib. 4. cap. 1 :
Ordinamus observandum, quod nulla navis, vel lignum aliquod, Caupulusve, vel barcha aliqua, teneantur deinceps vel sustineontur plena in portu.
Occurrit rursus lib. 1. cap. 51. et 67. Vide Jal. Antiq. Naval. tom. 1. pag. 357. tom. 2. pag. 224.
les Bénédictins de St. Maur, 1733–1736.
Caupolus, pro Caupulus, in iisdem Statutis lib. 1. cap. 49.
L. Favre, 1883–1887.
◊
Tenetur prepositus tenere et habere navettas seu naviclas et Caupols ad deferendum omnia que sunt necessaria in insula. (Cart. Magalon. ex Rer. Soc. Sav. 1873. 416.)
les Bénédictins de St. Maur, 1733–1736.
Caupolata, Onus Caupoli, quantum Caupolo vehi potest ; Caupolerius, qui habet caupolum. Eadem Satuta lib. 4. cap. 5 :
Statuimus, ut quilibet Caupolerius in Massilia stagiam faciens teneatur ter in anno deferre, vel facere deferri, unam Caupolatam cum suo Caupolo, vel cum alio, de fimo extracto a Communi, seu ad expensas Communis, de portu extra buccam portus, illuc scilicet ubi consuetum est.
Vox Caupolata semel et iterum occurrit cap. 6.
© École des chartes.