CENTO 1, Glossarium mediae et infimae latinitatis, Du Cange et al.

« 1 cento » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 264b. http://ducange.enc.sorbonne.fr/CENTO1

1. CENTO, Centrum, Centunculus. Papias : Cento, filtrum. Vox Latinis notissima. Vide in Gambeso. MS. Bituric. addit ad Papiam editum :

Collectio illius qui vilissima vectigalia colligit in foro.

Tale est havagium, quod ex varia annona venali percipitur a carnifice. De centonibus multa præclare disserit Illust. Fontaninus lib. 2. de Antiquit. Hortæ cap. 4. et 5.

Centrum, Eadem notione. Gloss. Saxon. Ælfrici : Centrum, vel Filtrum : Felt, ubi Centrum, est Græcorum ϰέντρον, unde Ὁμηρόϰεντρον.

Centunculus, Eodem pariter significatu. Futilis Centunculus, apud Apuleium lib. 1. Κέντουϰλον, recentioribus Græcis est lana vel vestis coactilis, quam Græci πῖλον vocant. Lexicon Græc. MSS. Reg. sign. 2062 :

Πῖλος, τὸ ϰέντουϰλον. πῖλον ϰαὶ πιλίδιον, τὸ ϰέντουϰλον.

Aliud sign. 940 :

Πίλους, πιλωτούς, ϰέντουϰλα, ϰαὶ πινίον.

Joannes Cananus de Bello Constantinop. pag. 193 :

Καὶ εἰσῆλθεν εἰς τὴν τένταν ἀπὸ ϰεντούϰλου.

Id est ingressus est tabernaculum ex Centonibus confectum. Occurrit hæc vox apud Leonem in Tacticis pag. 51. 56. 57. 290. 333. Alios Scriptores laudant Rigaltius et Meursius. Ita porro Latinis Cento et Centunculus idem sonant. Vide Valesium ad lib. 19. Ammiani pag. 164. et Glossar. mediæ Græcitatis.

P. Carpentier, 1766.

◊ Glossar. Lat. Gall. ex Cod. reg. 7692 : Cento, feutre, vel drapel a fole.

P. Carpentier, 1766.

Cento, Pulvinar, Gall. Coussin. Chron. Joan. Whetham. pag. 484 :

Illuc utique veniens, perrexit passu recto, quousque veniret ad solium regis, super cujus Centonem sive culcitram manum suam ponens, etc.

CENTIX 2. CENTO © École des chartes.

« 1 centrum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 265b. http://ducange.enc.sorbonne.fr/CENTRUM1

1. CENTRUM, Fornicis circulus, cui tota concameratio innititur, nostris Ceintre. Glossar. MS. : Centrum, Medium cameræ.Centrum cameræ, apud Nicolaum I. PP. Epist. 2. Monachus S. Mariani in Chron. :

Jam exstructa testudine visum est debere submoveri Centra, quibus fuerat testudo subfulta.

Vita S. Boniti Episcopi Claromont. num. 17 :

Sanctorum altaria nitent, Centra hinc inde geminata connectunt, etc.

Ibidem :

Quatersena Centra decora inferius superius connexa surgunt.

Paschasius Radb. in Vita S. Adalhardi Abb. inter Acta SS. Benedict. sæc. 4. part. 1. pag. 340 :

Sepulta sunt autem decenter membra carissimi Senis in Basilica B. Petri Apostoli sub fastigio inter ejusdem medioximæ quatuor Ecclesiæ Centra, etc.

Vide Hist. Dalphin. tom. 2. pag. 274. Utitur etiam Cassianus Collat. 24. cap. 6.

« 2 centrum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 265b. http://ducange.enc.sorbonne.fr/CENTRUM2

2. CENTRUM, pro Cento, quod vide.