CEPUM, pro Sebum, Gall. Suif, Adeps pecudum. Statuta Avenion. :

Ne aliquis ponat Cepum vel aliud in rognonos vervecum vel agnorum vel edorum.

Edictum Philippi VI. Franc. Regis ann. 1329 :

Candelarii et venditores de Cepo... vendant bonas et legitimas candelas de bono et legitimo Cepo.

Apud Rymer. tom. 7. pag. 118. col. 1 :

Casei, butiri, plumæ, gaulæ, mellis, felpariæ et Cepi.

Et col. seq. :

Caseum, butirum, plumas, gaulas, mel, felpariam seu Cepum.

Et tom. 4. pag. 307. col. 2 :

Quatuor pondera Cepi.

Epistola Guidonis de Dampetra ad Philippum Aug. ann. 1113. apud Marten. tom. 1. Collect. Ampliss. col. 1115 :

Noverit Serenitas vestra, quod D. Milo de Livores tradidit mihi de munitione Nonedæ hæc quæ sequuntur.... x. sol pro cera, pipere et Cepe. Madox

Formulare Anglic. pag. 117 :

Unam peciam boni Cepi et puri.

Vide Pegunta.