1. CESPES, Prædium rusticum. S. Cyprianus Epist. ad Donatum :

Exilis ingenii angusta mediocritas tenues admodum fruges parit, nullis ad copiam fœcundi Cespitis culmis ingravescit.

S. Ambros. lib. 3. Epist. 30 :

Transcriptis in aliorum jura suis prædiis, virum sequitur, et exiguo illic conjugis contenta Cespite, solatur se religionis et simplicitatis divitiis.

Acta S. Sebastiani cap. 18 :

In Campano littore, in quo erat lati Cespitis dominus.

Senator. lib. 2. Var. Epist. 16 :

Gratia dominorum de Cespitis divisione conjuncta est.

Lib. 5. Epist. 14 :

Antiqui barbari, qui Romanis mulieribus elegerint nuptiali fœdere sociari, quolibet titulo prædia quæsiverint, fiscum possessi Cespitis persolvere.... cogantur.

Adde lib. 7. Epist. 45. Lex Longobard. lib. 2. tit. 18. § 3. Aist. cap. 3. :

Cum ipsis hominibus per suam astutiam agebant, et eos a suis Cespitibus removentes, in suum servitium replicabant, qui postmodum libertatem simul et res amittebant.

Mox :

Sint liberi de suis personis, sicut dominus eorum instituerit... nec a suis Cespitibus removeantur.

Tit. 23. Liuthpr. 133. (6, 80.) :

Si de illo labore comparaverit, quod postea laboraverit, aut fecit, postquam in ipsa casa ad censum reddendum introierit, in ipso Cespite dimittat, ubi laboravit.

Odilo Abb. Cluniac. in Vita S. Majoli Abbatis :

Abbas Berno nomine, in partibus Burgundiæ, Cespite Matiscensi, pago qui vocatur Cluniacus, Monasterium cœpit instruere.

Vita S. Popponis Abb. cap. 11. n. 44 :

A præfato Henrico sui juris in Amblavia Cespitem, qui in 12. fere mansos extendebatur... obtinuit.

Odo Abbas de Mirac. S. Mauri cap. 2 :

Brennowem amplissimum possessionis suæ Cespitem petivit.

Vide leg. 10. C. Th. de Præd. navicul. (13, 6.) Gregor. Mag. lib. 7. Epist. 6. Murator. Antiq. Ital. tom. 1. col. 836. B. etc.