CHRYSOBULIUM, Chrysobolium, Chrysobolum. Bulla aurea, Χρυσόϐουλλον Pachymeri lib. 2. cap. 5. Cantacuzeno, χρυσὁϐουλλος λόγος, Harmenopulo, et eidem Pachymeri lib. 1. cap. 10. Χρυσοϐούλλιον Continuatori Theophanis lib. 2. n. 20. lib. 3. n. 26. Anonymo Combefisiano in Porphyrog. n. 14. et 40. in Lacapeno num. 40. Symeoni Logothetæ in Leone Phil. n. 23. in Porphyrog. num. 14. etc. Andr. Dandulus in Annalib. :

Calo-Johannes Imperator Alexio patri succedit, cui Dux (Venetiarum) Legatos misit, sibique Crisobolium a patre concessum approbari petiit.

Idem ann. 1126 :

Tandem Augustus ad cor rediens, Ducem requirit, ut sibi Legatos mittat, pollicens Crisobolum pridem vetitum.

Epistola Joannicii Regis Bulgariæ in Gestis Innocentii III. PP. pag. 55 :

Subsignat autem imperium meum ad securitatem Chirosobolum suum.

Ubi monuimus legendum Chrysobolum, in Notis ad Cinnamum pag. 486. ut et infra, ubi habetur :

Et ut præsens Chirosobolum Imperii nostri ratum et firmum habeatur, etc.

Vide Bula aurea.