2. CIRCLA, Idem quod Circa n. 4. ab Italica voce Cerchia ; Quæcumque munitiones ad urbem sepiendam ductæ. Stat. bonon. ann. 1250-67. tom. I. pag. 40 :

Item faciam in Circla et in ripa Circle civitatis, ita quod tenear ire et videre predicta cum octo sapientibus viris... et si invenero aliquem occupasse vel invasisse de circla velejus ripa vel de foveis civitatis, vel de eorum ripa ab eo tempore citra quo facta fuerit dicta Circla, vel de viis circa dictas foveas disgomborari faciam et aterminari.

Antiqua Circla Bononie, de qua hic est sermo, respondet hodiernis mœnibus ejusdem, hoc tamen discrimine, quod nunc muris et foveis est circumdata, antiquitus tantum fossatis et ripis.