COMICILIUM. Descripsit Henricus Meibomius in Andromici Imp. CP. Aurea bulla Diploma Alberti Ducis Brunswicensis ann. 1309. in quo hæc habentur :

Et si proprietas bonorum jure terræ consuetudinario dari debet in Comicilio : verum quia id in desuetudinem abiit, propter defectum Comicilii, necessario aliis aminiculis quæsitis et habitis, hujusmodi datio in publicam redigilur notionem.

Charta Comit. de Kirchberg. ann. 1266. ap. Scheid. de Nobilitat. :

Quod quando primo fiet Comicilium ad illud cum... coheredibus nostris personaliter accedentes, ipsos mansos... ecclesie faciemus sub banno regio confirmari.

Nescio an pro Concilium hæc vox sumatur. Vide Haltaus. voce Goding col. 732.