« »
 
[]« 1 complere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 468a. http://ducange.enc.sorbonne.fr/COMPLERE1
1. COMPLERE dicitur qui officium suum recte exequitur, implet. Ita Monachum Complere, dixit Sidonius lib. 4. Epist. 9. Personam religiosi Complere, lib. 7. Epist. 14. Vide Savaronem ad eumdem pag. 448.
Complere dicitur is, qui officium quodvis Ecclesiasticum Collecta seu oratione concludit et Complet. Gregorius M. lib. 3. Dial. cap. 7 :
Cumque diu orassent, Complere orationem quadragesimum Subdiaconum servus Dei jubet.
Cræca habent τέλος τῇ εὐχῇ ἐπιθεῖναι. Ordo Romanus :
Surgit Pontifex cum Archidiacono, (finita Missa) et veniens ad altare, dat orationem ad Complendum.
Hanc orationem hodie vocamus post-communionem. Acta SS. Junii tom. 4. pag. 698. ubi de Festis S. Joannis Bapt. :
Tum super Oblata eadem quæ supra in Vigilia. Ad Complendum sive Post-communio :
Præsta quæsumus, etc. Vide Complenda post Completa. Helgaudus in Roberto Rege Franc. ;
Incumbentibus jam noctis tenebris dum ad Complenda et quæ sunt Deo reddenda cogitaret, ad domum Dei de more processit, præeuntibus ante se Clericis cum ceroferariis non minimi ponderis.
Rupertus de Divin. off. lib. 1. cap. 19 :
Collectæ quæ dicuntur ad Complendum, orationes sedentis in cœlo capitis nostri J. C. signant.
Regula Magistri cap. 50 :
Complendi Abbati genua osculetur.
Cap. 52 :
Omnes audiant Abbatem Complentem.
Cap. 53 :
Orationes illas Quadragesimæ puras Compleant.
Cap. 83 :
Nihil aliud eis (Sacerdotibus) in Monasteriis liceat, nisi orationes colligere, Complere, et signare.
Adde S. Epiphan. Episc. Cypri Epist. ad Joan. Hierosol. inter Epistolas S. Hieron. Epist. 61. cap. 5. Dynamium Patric. in Vita S. Maximi Episcopi Regiensis sub finem, Walafridum Strab. de Reb. Eccles. cap. 22. etc. Vide Collecta 8.
les Bénédictins de St. Maur, 1733–1736.
Complere. Legi satisfacere sumta de crimine vindicta. Murator. tom. 1. Scriptor. Ital. part. 2. pag. 56. col. 2. C. in Legibus Luitprandi 24. (4, 6.) :
Si [] mulier libera servum tulerit (ei nupserit) et parentes ejus intra anni spatium in eam vindictam dare neglexerint, sicut in anteriori Edicto continetur, tunc quandocumque post ipsum anni spatium inventa fuerit, sit ancilla Palatii, et ipse servus similiter ad Palatium replicetur ; et filii qui ex iis nati fuerint Curti regiæ omnino serviant. Nam si parentes ipsius mulieris vel dominus servi Compleverint intra supradicti anni spatium, quod anterius Edictum continet, sic permaneant.
Conjungendum
Compleverint quod continet anterius edictum
, scilicet Rothar. cap. 222.
© École des chartes.