COMPNA, Locus, ut videtur, arundinibus vel alia quavis ratione circumseptus, quo pisces capiuntur et servantur. Reg. feudor. Aquitan. sign. JJ. rub. ex Cam. Comput. Paris. fol. 2. v° :

Petrus Doati de S. Emiliano... tenet de feudo vicecomitis Fronciaci... undecimam partem Compnarum existentium ibidem, et undecimam partem quarteriorum piscium, videlicet creacorum, qui capiuntur in mari prædicto per homines de Fronciaco.

Consuet. MSS. monast. S. Crucis Burdegal. ante ann. 1305 :

Item dicti monachuli seu juveniles recipiunt in die Ramis palmarum unum colacum, quod solvunt de redditibus illi, qui tenent Compnas de Magello et de Marsaux.

Vide supra Bordigala.