« »
 
[]« Bordigala » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 706c. http://ducange.enc.sorbonne.fr/BORDIGALA
BORDIGALA, et Burdicala, Arcæ majoris genus, in qua pisces servantur in stagnis vel fluviis, ut et vivere possint, et facile capi. Charta ann. 1225. ex Archivis Massil. :
De omnibus gausidis et obventionibus seu redditibus quæ Commune Massiliæ perceperit in dicto castro in rippagiis, gabellis vel piscariis, vel Bordigalis, sive portu, sive lucris aliquibus ex dictis juribus.
Vide Burdiculum.
P. Carpentier, 1766.
Bordigolum, Burdigalum, vulgo Bourdigue, Locus arundinibus seu cannis circumseptus, quo pisces capiuntur [] et servantur, quasi in borda seu tuguriolo, unde nomen ; vel a borda, virgula, baculus. Vide supra Borda 1. et Bordæ. Charta ann. 1235. ex schedis Pr. de Mazaugues :
Concesserunt.... quidquid habend apud pontem S. Genesii in Burdigalis. Bordigalum,
in Ch. ann. 1479. Bordigolum de Venroz, in alia ann. 1271.
P. Carpentier, 1766.
Burdigolus, Eadem notione. Sent. arbit. ann. 1414. inter dom. de Castro novo prope Martiguas et priorem ejusd. loci :
Dicimus dominum dicti loci pro se et suis successoribus teneri ad dandum... vicesimam partem, loco spiritualis decimæ, dicto domino priori ac suis in eodem beneficio successoribus, de piscibus captis seu piscatis in stagno de Volmon, robina seu Burdigolo, et aliis passibus aquarum in tenemento dicti loci existentibus,... quocumque nomine intitulentur, sive sint Burdigoli, etc. Brougidour,
eadem acceptione, vide infra in Robina.
© École des chartes.