COMPOSTILE, Repositorium, Petronio, a compositis in eo lancibus obsoniorum. Ita nimirum fiebat, ut non singulas mensæ lances apponerent, sed multas simul in uno compostile, seu repositorio congestas. Exstat Epigramma Ennodii, de Compostile habente septem gravatas. Vide ibi Sirmondum. Gregorius Turon. lib. 3. Hist. cap. 15 :

Verum enim dico tibi, quia etiam si Regi epulum cupias præparare, fercula regia componere possum.