CONCERGERIUS, Concergius. Custos domus regiæ, præfectus palatii ; cujus officium vel dignitas Concergeriatus dicebatur. Memor. E. Cam. Comput. Paris. fol. 55. v° :

Dom. Arnaudus de Corbia miles, primus præsidens in parlamento, ordinatus Concergerius palatii regis per litteras regis datas xiiij. Sept. 1384.

Memor. G. ejusd. Cam. fol. 177. v°. ad ann. 1411 :

Anthonius de Essartis scutifer, nuper ordinatus Concergerius et custos palatii et hospitii regii Paris. loco Theobaldi de Mescreyo, tunc exonerati ab inde, nunc de novo in dicto Concergeriatu receptus et ordinatus.

Charta ann. 1309. in Lib. rub. ejusd. Cam. fol. 322. v°. col. 2 :

Galeranus Brito domini regis scancio, domusque regalis Parisius Concergius.

Vide infra Conciergerius.