CONCIERGERIUS, Glossarium mediae et infimae latinitatis, Du Cange et al.

« Conciergerius » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 478b. http://ducange.enc.sorbonne.fr/CONCIERGERIUS

CONCIERGERIUS, Conciergius, a Gallico Concierge, Custos domus regiæ, præfectus palatii ; cujus officium vel dignitas Conciergeria et Conciergia appellatur. Memor. G. Cam. Comput. Paris. fol. 173. r°. ad ann. 1411 :

Anthonius de Essartis scutifer et varletus scindens regis et custos denariorum suæ parcimoniæ, ordinatus Conciergerius et custos regalis palatii Paris. loco Theobaldi de Mescreyo.

Tabul. Fossatense fol. 5 :

Item Milo de Gastins, Conciergius de Vicenis, cepit sagenas Jaqueti Chastelains.

Memor. G. jam laudatum fol. 172. r°. ad ann. 1411 :

Dominus comes Nivernensis pro Conciergeria domus seu hospitii regis de Bauté, loco dom. Karoli de Lebreto.

Charta Phil. Pulc. ann. 1313. in Lib. rub. ejusd. Cam. fol. 359. r°. col. 1 :

Quamdam domum in platea S. Michaelis olim sitam,... oneratam in uno denario Par. reddituali imperpetuum, debito Conciergiæ nostræ Paris. pro fundo terræ.

Quod officium reginis etiam concessum reperimus in eod. Memor. G. fol. 211. v°. ad ann. 1412 :

Domina Ysabellis regina Franciæ ordinata Conciergeria seu custos palatii regalis Parisius, loco Anthonii de Essartis.

Vide supra Concergerius.

P. Carpentier, 1766.

Conciergeria, Carcer dictus vulgo la Conciergerie. Arest. parlam. ann. 1420. in lib. 1. Stat. super artif. Paris. ex Cam. Comput. fol. 22. r°. :

Carceribus nostris commentariæ seu Conciergeriæ palatii nostri Parisius mancipari fecisset.

P. Carpentier, 1766.

Conciergius, Ædis cujuslibet custos. Necrolog. MS. Paris. eccl. 11. Id. Nov. :

Item apud Moissiacum emit tres mansuras retro domum Conciergii.