CONDUCHARII, Sacerdotes vel clerici, qui licet nunc vitam monasticam non profiteantur, in quibusdam prioratibus S. Victoris Massiliensis sedes habent perpetuas, vulgo dicti Conduchers ; a Conductu, quæ vox Convictum, communem mensam sonat. Vide Conductus 5. Stat. ejusd. monast. ann. 1348 :

Verum cum sint aliqui qui, licet sint panaterii, Conducharii, convivæ vel pensionarii in aliquibus prioratibus nostris, etc.

Quam vero monachis infesti fuerint illi, docent eadem statuta, ubi dicuntur quales serpens in gremio, mus in pera, ignis in sinu. Vide Ducherii.