7. CONDUCTUS, Jus patronatus, quo quis electum a se presbyterum ad episcopum conducit seu præsentat, ut ab eo cura animarum investiatur. Vide supra Conducere 2. Charta ann. 875. tom. 8. Collect. Histor. Franc. pag. 425 :

Comitis-villa cum ecclesia atque Conductu,... ecclesia in honore S. Glodesindis in silva libera nulli respiciens, cum Conductu cujuscumque voluerit abbatissa sacerdotis.

Pluries ibi. Alia Alberonis Trevir. archiep. ann. 1137 :

Conductum presbyterorum in ecclesia de Messuns et duas partes per omnia decimarum et medietatem dotis ecclesiæ... confirmamus.