CONFECTOR, Carnifex, qui hominem conficit. Gloss. Lat. Græc. : Confector, ἀναιρέτης. Confectores, ϰαταϐόλια, ubi Scaliger ϰαταϐόλοι restituit. Glossar. Basilic. : Κομφάϰτωρ, ϰατασϰευαστής. Ado in Martyr. 26. Jan. in S. Polycarpo :

Ad ultimum videntes scelerum ministri corpus igni non posse consumi, jusserunt propius accedere Confectores, et corpus, si ignis cesserat, mucrone transfodere.

Euseb. lib. 4. cap. 14. de eodem Sancto :

Ἐϰέλευσαν προσελθόντα αὐτῷ ϰομφέϰτορα παραϐῦσαι τὸ ξίφος.

Adde Epistolam Ecclesiæ Smyrnensis de Martyrio ejusdem S. Polycarpi num. 16. Apud Suetonium in Augusto cap. 43 :

Confectores ferarum. Malis artibus inimicos Conficere

, in leg. 5. Cod. Th. de Maleficis. (9, 16.)