3. CONFRATERNITAS, Societas inita inter varias ecclesias sive monasteria, qua pro defunctis alterius exequias sicut pro fratribus facere spondebant. Charta ann. 1074. ap. Würdtwein. Subsid. Diplomat. tom. 10. pag. 9 :

Ecclesia Compostellana... recipit in societate et Confraternitate sua Dom. Annonem Episc. Eccl. Mindonensis et conventum ejus et constituit facere pro defunctis eorum exequias sicut pro fratribus suis, postquam illorum obitum cognoverit... et secundum eumdem tenorem ecclesia Mindensis recepit conventum nostrum in societate et Confraternitate sua.

Vide Confraternitat. Eccles. Fuldens. et Aschaffenburg. ann. 1321. in Guden. Cod. Diplom. tom. 3. pag. 193. De Confraternitate, qua laici in participationem orationum monachorum admittebantur vide Fraternitas 5. Anon. de Waldensium Doctrina ap. Freherum Script. rer. Bohem. pag. 225 :

Confraternitatem Clericorum et laicorum, quæ dicitur Zech, dissuadent ; et hæc omnia dicunt agi propter quæstum.