CONSTELLATIO, Θέμα τοῦ ἀνθρώπου, in Glossar. Græc. Lat. Papias : Constellationes Latini vocant superstitiones Mathematicorum, id est, notationes siderum, quomodo habeat unusquisque. Poeta infimi sæculi MS. ex Bibl. Thuana :

Constellatio, mors, parcæ responsa deorum,

Eventus rerum, signantur nomine fati.

Spartianus in Ælio Vero :

Quid si non recte Constellatio ejus collecta est, quem credimus esse victurum ?

Ammianus lib. 29 :

Cum objiceretur illi, quamobrem Constellationem Principis collegisset.

Althelmus de laude virginitatis :

Fato et genesi gubernantur futura, juxta Mathematicorum Constellationem.

Vide Firmicum lib. 4. Mathes. cap. 3. Hinc dictus