« »
 
CONTINENTIA 1, CONTINENTIA 2, CONTINENTIA 3, CONTINENTIA 4, CONTINENTIA 5, CONTINENTIA 6, CONTINENTIA 7, CONTINENTIA 8, CONTINENTIA 9, CONTINENTIA 10, CONTINERE.
[]« 1 continentia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 534b. http://ducange.enc.sorbonne.fr/CONTINENTIA01
1. CONTINENTIA, Synopsis, argumentum, tenor instrumenti, συνοχή, περιοχή, in Gloss. Lat. Gr. Gallis le Contenu. Continentia venditionis, in leg. 29. Cod. [] Theod. de Petit. (10, 10.) Continentia edicti, in leg. 11. eod. Cod. de Liberali causa. (4, 8.) Continentia scripturæ, in leg. 31. de Testam. (4, 4.) eodem Cod. Thomas Catabrig. Episc. apud Radulfum de Diceto :
Fraternitatis vestræ scriptum suscepimus,... cujus Continentia plus videtur habere mordacitatis quam solatii.
Gervasius Dorobern. :
Litteras Regi Franciæ porrexerunt, quarum Continentia erat, etc.
Adde Cæsarium de Mirac. lib. 2. cap. 10. et alios bene multos. Alia notione vide in Continere.
© École des chartes.
[]« 2 continentia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 534c. http://ducange.enc.sorbonne.fr/CONTINENTIA02
2. CONTINENTIA, Continuitas, complexus, annexus. Æthicus Cosmograph. initio opusculi :
De omni ejus (orbis terrarum) Continentia perlatum est ad Senatum.
Sic apud eumdem :
Oceani Occidentalis Continentia. Virgilianam Continentiam
Fulgentius dixit Complexum rerum physicarum, quæ in Virgilio continentur, in quam rem peculiaris ejus exstat libellus. Macrob. lib. 5. Saturn. cap. 15 :
Continentia regionum.
Idem in Somnium Scipionis lib. 2. cap. 12 :
Omnem operis Continentiam revolvam.
© École des chartes.
[]« 3 continentia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 534c. http://ducange.enc.sorbonne.fr/CONTINENTIA03
3. CONTINENTIA, pro rebus ad victum necessariis, mox inf. post Continere.
P. Carpentier, 1766.
◊ Contenement, eadem acceptione, in Lit. remiss. ann. 1410. ex Reg. 164. Chartoph. reg. ch. 357 :
Guillemin Alexandre jeune homme non marié et de bien simple Contenement ou affaire, etc.
Vide Contenementum in Continere.
© École des chartes.
[]« 4 continentia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 534c. http://ducange.enc.sorbonne.fr/CONTINENTIA04
4. CONTINENTIA, Contrectatio. Cælius Aurelianus lib. 3. Acut. cap. 5 :
Utendum etiam articulorum blandi tactus Continentia.
© École des chartes.
[]« 5 continentia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 534c. http://ducange.enc.sorbonne.fr/CONTINENTIA05
5. CONTINENTIA, Habitus, moris et gestus conformatio, Gallis Contenance. Anonymus de Miracul. S. Ursmari per Flandriam num. 6 :
Stupuerunt, oculos humiliter demiserunt, et quis inter eos delatus fuerit, etiamsi nescirent, satis patenter ipsa sua Continentia ostenderunt.
P. Carpentier, 1766.
◊ Lit. remiss. ann. 1354. in Reg. 82. Chartoph. reg. ch. 417 :
Baculum de salice in manu sua cepit quasi pro Continentia, et ut se juvare posset de eodem, si opus forsan esset.
© École des chartes.
[]« 6 continentia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 534c. http://ducange.enc.sorbonne.fr/CONTINENTIA06
6. CONTINENTIA, Status, dispositio, Gall. Contenance, alias Contiennement. Bened. abb. Petroburg. in vita Henr. II. reg. Angl. edit. Hearn. tom. 2. pag. 474. ad ann. 1187 :
Baldewinus de Fortuna et Ranulfus Buccus et Laodicius de Tabaria cum aliis tribus sociis, diabolico spiritu arrepti ad Saladinum confugerunt, et sponte Saraceni facti, de omni esse et proposito atque Continentiis Cristianorum eum instruxerunt.
Froissart. vol. 3. cap. 13 :
Pour aviser justement et clerement l'ordonnance et Contiennement des Espaignols.
Sed et Convenant, eodem significatu, idem Froissartes usurpat vol. 2. cap. 8 :
Quand les coureurs Escoçois eurent advisé le Convenant des Anglois... Nous avons advisé leurs Convenans, et vous disons qu'il vous attendent en deux belles batailles.
Vide infra in Convivium.
© École des chartes.
[]« 7 continentia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 534c. http://ducange.enc.sorbonne.fr/CONTINENTIA07
7. CONTINENTIA, Agendi ratio, Gall. Conduite. Charta ann. 1240. in Reg. 31. Chartoph. reg. fol. 112. r°. col. 1 :
Hemericus de Castro-novo miles ad Ludovicum regem Francorum illustrem accedens ductus pœnitentia super sua Continentia præcedenti,... super sacrosancta in ejusdem domini regis præsentia juravit,... quod ipsi domino regi et suis hæredibus de cetero serviet fideliter et benigne.
© École des chartes.
[]« 8 continentia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 534c. http://ducange.enc.sorbonne.fr/CONTINENTIA08
8. CONTINENTIA, Septum, ambitus, Gall. Enceinte. Charta Alfonsi reg. Aragon. ann. 1440. ex Tabul. S. Mich. [] Caietæ inter schedas Mabill. :
Abbas et conventus venerabilis monasterii S. Angeli de Palanzana... majestati nostræ reverenter exposuerunt et humiliter supplicarunt, ut cum abbas, monachi et conventus ipsi propter constructionem nuperrime factam de castro nostro Caietæ, quod intra se continet ecclesiam S. Theodori,... non possint in eadem ecclesia... divina misteria habiliter et commode celebrare,... dignaremur... gratiose concedere, quod loco ejusdem ecclesiæ S. Theodori possint quamdam aliam capellam, sub vocabulo etiam S. Theodori, prope dictum monasterium seu in Continentiis dicti monasterii S. Angeli construi facere et ædificare.
© École des chartes.
[]« 9 continentia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 535a. http://ducange.enc.sorbonne.fr/CONTINENTIA09
9. CONTINENTIA, Castitas, abstinentia a mulieribus. Pœnitent. vet. Ms :
Si adolescens sororem suam duxerit, v. annos pœniteat ; si matrem, vij. annos ; et quamdiu vixerit, numquam sit sine Continentia.
Vide Continentes.
© École des chartes.
[]« 10 continentia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 535a. http://ducange.enc.sorbonne.fr/CONTINENTIA10
10. CONTINENTIA, Conversatio, in vet. Glossar. ex Cod. reg. 7641.
© École des chartes.
[]« Continere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 535a. http://ducange.enc.sorbonne.fr/CONTINERE
CONTINERE, Alere, sumptus suppeditare : nostris, Entretenir. Gregorius M. lib. 2. Indict. 1. Epist. 28 :
Et locum vel actionem provideat, ex qua cotidianis stipendiis valeat Contineri.
Contenementum, Æstimatio, et conditionis forma ac ratio, qua quis in republica subsistit, Spelmanno : seu potius quod cuique ad sumptus necessarios sufficit, ex voce Continere, de qua mox. Magna Charta Libertatum Angliæ cap. 14 :
Liber homo non amercietur pro parvo delicto, nisi secundum modum illius delicti, et pro magno delicto secundum magnitudinem delicti, salvo sibi Contenemento suo, et mercatori eodem modo salva mercandisa, et villanus... salvo wainagio.
Glanvilla lib. 9. cap. 8 :
Secundum quantitatem feodorum suorum, et secundum facultates, ne nimis gravari inde videantur, vel suum Contenementum amittere.
Id est, ne conditioni suæ derogare cogantur, amissis, vel certe imminutis suis facultatibus : nam ea est vocis notio, quidquid dicat Somnerus. Nos dicimus Entretien, seu Intertenementum, quod cuique ad suam conditionem manutenendam necessarium est, vel sufficit.
Continentia, Idem quod Contenementum. Gregorius M. lib. 1. Epist. 5 :
Miror autem quod in me collatas Continentias vestras ex hac moderna pastoralis officii Continentia distraxistis, in qua sub colore Episcopatus, ad sæculum sum reductus.
Idem Epist. 43 :
De ancilla Dei, quæ cum Theodosio fuit, Extranea nomine, videtur mihi ut ei Continentiam facias, si utile conspicis, aut certe donationem quam fecit, reddas.
Lib. 4. Epist. 30 :
Sed quia vos valde in Continentia nostra benignos invenimus, eidem benignitati vice simili respondemus.
Ita hanc vocem usurpat lib. 1. Epist. 18. 42. lib. 2. Indict. 1. Epist. 28. lib. 4. Epist. 50. et Julianus Antec. Const. 59 :
Hæc constitutio... jubet ut si quis rem immobilem eidem Ecclesiæ dederit,... et adjecerit, ut in Continentia pauperum reditus administretur, etc.
Vide Pactimonium.
© École des chartes.