COPADIUM, Κοπάδιον. Papias : Copadium, particula carnis, quod Græci Copadium dicunt. Ita MS. habet pro Copium seu Copian, ut alter MS. Bituric. Apicius lib. 7. cap. 6 :

In Copadiis jus album, Jus in Copadiis, Jus in elixa.

Pelagius in libello 4. num. 63 :

Et accipiens Archiepiscopus unum Copadium, dedit juxta se recumbenti.

Glossæ veteres : Copadia, ϰοπάδια. Gloss. Græc. Lat. : Τέμαχος, Copadium, frustum. Apophtegmata Patrum in Theophilo n. 3 : Λέγων, ἰδοὺ τοῦτο ϰαλὸν ϰοπάδιον ἐστὶ, φάγε, Ἀϐϐᾶ.

Ecce istud Copadium bonum est, manduca, Abba.

Hic agitur de carne vitulina. Vide Meursium in Κοπάδιον et supra in Compadiatim.