« »
 
[]« Cornagium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 567a. http://ducange.enc.sorbonne.fr/CORNAGIUM
CORNAGIUM, Præstationis aut tributi species. Fleta lib. 3. cap. 14. § 9 :
Sunt etiam aliæ præstationes, ut auxilia in Comitatu Vicecomitum... hydagia, Cornagia, cariagia, sectæ, etc.
Charta Henrici III. Regis Angl. tom. 2. Monast. Angl. pag. 1032 :
Et sint quieti et homines servientes sui... de geldo... scuagio, et hidagio, caruagio, et Cornagio, et summagio, [] etc.
Abbreviat. Rotul. pag. 8. Edward. III. Northumbr. rot. 14 :
Et faciendi forinsecum servicium Regi Cornagii et sectam, etc.
Ibid. pag. 27. rot. 5 :
Pro warda castri et Cornagio.
Ibid. pag. 31. rot. 17 :
Per servicium 43. solid. et 4. denar. ad Cornagium annuatim solvendorum.
Ibid. pag. 232. rot. 6 :
Ut de terris... in manu regis existentibus per Cornagium in manu seisiri et in manu regis... remanere.
Cornagium pariter apud nostros, præstationibus accensetur. Charta Theobaldi Comitis Franciæ Senescalli et Aalidis uxoris in Histor. Blesensi pag. 301 :
Nec cornagium ultra capient.
Testamentum MS. Humberti D. Bellijoci Conestabilis Franciæ, mens. Julii ann. 1248 :
Et concessi hominibus et burgensibus meis et hominibus Ecclesiarum pro Cornatgio sicuti continentur in libertate quam dedi hominibus meis et hominibus Ecclesiarum : et hujusmodi Cornatgium juravi pro me et hæredibus meis, quod de cætero in terra mea non sit factum.
Libertates Villæ de Moneto ann. 1269. in Biturigib. apud Thomasserium lib. 1. cap. 65 :
Si Milites mei Cornagium vel aliud donum mihi dederint in bestiis terræ meæ, etc.
Libertates Sacri Cæsaris ann. 1327. apud eumdem lib. 3. cap. 16 :
Videlicet Cornagium, hoc est, pro cornu cujuslibet animalis certam pecuniam, etc.
In Computo de Bladis Comitatus Campaniæ ann. 1348. est titulus :
De la recepte de froment et d'avoine de la Ferté-sur-Aube, des Cornages de Villers, de la ville d'Essoy, etc. tant de Boissels de bled et d'avoine.
Alibi :
Des Cornages de bestes traihens de Montigny 10. razeaux, 2. bichots.
Infra :
De Cornaiges et des eschiez des bestes traihens de Montigny.
Ubi Bestes traihens, sunt animalia aratoria, vel quæ carris aptantur : præsertim vero ea quæ cornibus instructa sunt, ut boves, unde præstationi nomen inditum. Inde Callimacho hymno in Dianam v. 179. boves dicuntur ϰεραελϰέες, διὰ τὸ τοῖς ϰέρασι ἕλϰειν τὸ ἄροτρον, inquit Scholiastes. Recte enim Raguellus ait, Cornagium esse præstationem bladi, quæ pro quovis bove arante domino exsolvitur ab iis, inquit D. Brussel de Feudorum usu tom. 1. pag. 396. qui in illius Domini silvis jus habent pascendi animalia cornibus instructa. Tabular. Montismorilionis in Pictonibus fol. 59 :
Ipsi agricolæ ex unaquaque domo, ubi boves arabiles erunt, reddent nobis unum sextarium avenæ, de fossore vero eminam.
Id præterea docet Consuetudo localis de Troi in Biturigib. art. 5 :
Et aussi (a droit de prendre) sur chascun ayant beufs 4. Parisis pour couple de beufs, et se appelle ledit droit de Cornage.
Vide Hornegeld.
P. Carpentier, 1766.
◊ Charta Hervei dom. Virsion. ann. 1270. ex Cod. reg. 9612 :
Si contigerit castrum meum Virsionense per guerram pati ruinam, aut si forte contigerit me crucesignari,... vel corpus capi in guerra, tunc dictus dom. Virsionis in villa de Linerolis et de Lenayo certum Cornagium habebit.
Ubi idem sonat quod Auxilium. Corneteau, eadem, ni fallor, notione, in Charta ann. 1326. ex Reg. 72. Chartoph. reg. ch. 43 :
Item le Corneteau receu audit lieu (de Chasteau Renart) la foire du pré passée, quant l'en veult, dix et nuef deniers.
Haud scio an huc spectet vox Cornay ex Ch. homag. ann. 1328. inter Probat ult. Hist. Trenorch. pag. 243 :
Item deux sous Parisis chacun an ou Cornay de Tornus.
Hoc est fortassis, tempore quo Cornagium solvitur. Cornaria dicebantur apud Lusitanos. For. [] Conimbr. ann. 1111 :
Homines de Bolon dent nobis quartam partem, et non Cornaria.
Vide S. Rosa de Viterbo in Elucid. Append. pag. 28.
Cornagium, et Tenere per Cornagium, quid fuerit apud Anglos, docet pariter Littleton. sect. 156 :
Item, il est dit que en le marches de Scotland, ascuns teignent de Roy per Cornage, c'est à sçavoir, pur ventier un Cornu, pour garner homes de pais, quant ils oyent que le Scottes, ou autres enemies veignont, ou voilent entrer en Engleterre, quel service est graund serjaunty, etc.
Camdenus in Muro Pictico :
Sed cum murus nunc jaceat et tubulus sit nullus multi hic circumquaque prædia et fundos in Cornage (ut Juridici nostri loquuntur) a Regibus nostris tenent, videlicet ut Cornu irruptiones hostium vicinis significent, quod a veteri Romanorum instituto deductum nonnulli existimant.
Vide Warde corne.
© École des chartes.