CORRECTIONALIS Jurisdictio, in Maceriis Insulæ Barbaræ tom. 1. pag. 274. dicitur Jus Monachos delinquentes corrigendi et statuendi quidquid monasticam spectat disciplinam. Defensiones Monachorum adversus Cardinalem Ferrariæ Archiep. Lugdun. :

Et primum de jurisdictione, certe in ea nihil cavetur in Bullis in sui præjudicium, et non impediunt impetrantes, quin habeat jurisdictionem contentiosam, quam habuit antea ; sed de Correctionali et ea quæ concernit statuta, mores et ritus et Ecclesiæ et aliarum rerum, et quam respective semper habuerunt dictus Abbas ; et etiam Prior et Capitulum illam semper habere debent.