CREPATURA, Italis Crepatura, Fissura, rima. Crepatura apostematis, apud Constantinum Afric. lib. 5. de Morborum curat. cap. 4. Creveure d'aposteme. Magister Ægidius de Urinis :

Minctio fit pura venæ ehilis ex Crepatura.

Charta ann. 1320. apud Julianum Saracenum in Histor. Anconit. pag. 162 :

Visa etiam Crepatura, sive scissura aliorum murorum, etc.

Hinc forte emendandus Michael Schotus lib. de Physionomia cap. 20 :

Animalium quædam habent dentes in ore, ut homo, canis, etc. quædam Scripaturam, et non dentes, ut anser.

Legendum enim Crepaturam, id est, fissuram. Miracula B. Gerlandi, tom. 3. Junii pag. 660 :

Passus est in genitalibus Crepaturam ;

hoc est, Herniam. Legitur iterum hoc sensu tom. 3. April. pag. 987. Vide Criptura et Crepido.