CULLA, Genus vestis Monachorum, unde Cuculla, id est, parva Culla, et Cullatus, Culla indutus. Ita Joann. de Janua, qui addit Cullam idem esse quod Cuculla, sic dicta, quasi minor Culla. Poeta infimi ævi MS. :

Dic Monachi Cullam vestem fore sive cucullam,

Vestis lata tegens caput, armos, esto cucullus.

Armoricani Cwfl vel Cwl appellant. Certe in Ordine Cisterciensi Moniales amplum et latum pallium, quo in majoribus Festis utuntur, etiamnum Coule vocant : MS. :

Du chef de son braier une clef deffermerent,

Et Cole et estamine, et un froc en osterent.

Vide Cuculla.