« »
 
CURSORIÆ, CURSORIE 1, CURSORIE 2.
[]« Cursoriæ » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 675a. http://ducange.enc.sorbonne.fr/CURSORIAE
CURSORIÆ, Naves expeditiores, veloces, Isidoro lib. 19. cap. 1. Navires de Courses. Sidonius lib. 1. Epist. 5 :
Ticini Cursoriam (sic navigio nomen) ascendi, qua in Eridanum brevi delatus, etc.
Willelmus Brito lib. 7. Philippid. pag. 171 :
Septuaginta rates, quibus est Cnrsoria nomen.
Naves Cursoriæ Rigordo ann. 1213. Rogerus Hovedenus in Ricardo I :
Anno eodem applicuerunt ibi naves et busciæ plusquam 500. exceptis galeis et Cursoriis, quæ multæ fuerunt.
Bromptonus habet Cursariis. Vide Scaligerum ad Auson. lib. 2. cap. 6. Couraux videntur appellari a Guiarto :
Engins r'ont de part et d'autre,
De fust parfais et achevez,
En nez et en Couraux levez,
Desquiex grosses pierres eschappent.
P. Carpentier, 1766.
◊ Naves de cursu, apud Oger. Pan. in Annal. Genuens. lib. 4. ad ann. 1204. apud Murator. tom. 6. Script. Ital. col. 388.
© École des chartes.
[]« 1 cursorie » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 675a. http://ducange.enc.sorbonne.fr/CURSORIE1
1. CURSORIE, Cursim, celeriter. Ordinarium MS. Piperac. Abbatiæ ann. 1301 :
Antiphona dicitur Cursorie. Madox
Formul. Anglic. pag. 339. in Charta anni 1503 :
Et insuper quod septimanatim quolibet anno, perpetuis futuris temporibus, unus Presbyter Canonicus ipsius Monasterii per Abbatem ejusdem... Cursorie assignandus, Missam cum speciali Collecta pro animabus ipsorum... celebrabit.
Hic vox Cursorie ducta videtur a Cursu seu Officio Ecclesiastico, quod quotidie certo ordine decantandum est, ac proinde idem sonare quod per ordinem assignandus.
© École des chartes.
[]« 2 cursorie » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 675a. http://ducange.enc.sorbonne.fr/CURSORIE2
2. CURSORIE, Demissa voce, hoc est, absque cantu. Charta ann. 1300. ex Tabul. Auriliac. :
Campana pulsetur in aurora, ut consuetum est ab antiquo in dicto monasterio, pro missa quæ dicitur B. Jacobi, et post, incontinenti missa dicitur Cursorie.
Missale MS. Lemov. ann. circ. 1400 :
Feria vi. Parasceves dicuntur Vesperæ Cursorie, tam a sacerdote cum suis ministris, quam ab utroque choro circa altare... Feria ii. Paschæ, immediate post Matutinum dicitur missa de Resurrectione Cursorie ad majus altare per canonicum hebdomadarium præteritæ septimanæ.
Corsablement et Coursablement, Communiter, vulgo, in Assis. Hieros. cap. 236 :
Car il est bien seure chose convenablement ou Corsablement et plusiors fois est avenu.
Infra :
Bien a l'on oy dire Coursablement et aucunefois l'on a veu avenir, etc.
Vide Cusoria nota decantare.
© École des chartes.