« »
 
[]« Cursorium » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 675a. http://ducange.enc.sorbonne.fr/CURSORIUM
CURSORIUM, Arelatibus Cossou vel Coussou. Sic vocantur apud Arelatenses singulæ pascuorum portiones, quas in planitie de Cravo singuli tenent pascendarum ovium causa hyemis tempore. Vocis etymon a Cursu, quod intra Cursorii limites pecori liceat Currere et pascere. Charta ann. 1221. pro Archiepiscopo[] Arelat. in Libro viridi fol. 119. verso :
Concedimus et confirmamus in perpetuum Cursorium quoddam de Cravo, quod vocatur Malcresset cum omni jure et pertinentiis, etc.
Charta Ludovici Regis Siciliæ e MS. D. Brunet fol. 108 :
Cursorium Avellini Comitis vulgariter appellatum, scitum utique in Cravo.
les Bénédictins de St. Maur, 1733–1736.
Corsorium, Eadem notione. Charta Curiæ Arelatis ann. 1225. e MS. D. Brunet fol. 84 :
Hec est carta continens quantum quodque Corsorium debeat continere ... Corsorium de Molarie... habuit cccxv. cannas in longitudine et cclx. in latitudine.
Non semel occurrit ibi.
P. Carpentier, 1766.
◊ Charta Raym. de Baucio ann. 1216 :
Dederunt quoddam Corsorium, quod est in Cravo.
Alia Guil. de Baucio ann. 1237 :
El Cossor Baucens, quod est in Cravo.
Inquisit. ann. 1268. ex schedis Pr. de Mazaugues :
Item dixit quod Corsoria, quæ sunt infra prædictos confines, sunt data et consignata per curiam Arelatensem, et quotiescumque aliqui inveniuntur ampliantes dicta Corsoria, curia Arelatis eos condemnat.
Vide Bouche Chorograph. tom. 1. et infra Cursus 11.
les Bénédictins de St. Maur, 1733–1736.
Cossorium, Eodem significatu. Conventio inter Ludovicum Regem Siciliæ et urbem Arelatem ann. 1385. e MS. D. Brunet, fol. 3. v°. :
Possidere bona ac acquirere de novo mobilia et immobilia, atque jura, census, redditus, patua, Cossoria, salinas.
© École des chartes.