DECRETALES, Glossarium mediae et infimae latinitatis, Du Cange et al.

« Decretales » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 031b. http://ducange.enc.sorbonne.fr/DECRETALES

DECRETALES, Epistolæ summorum Pontificum Decreta complectentes, seu responsa iis, qui aliqua de re illos consulunt. De his Gelasius PP. in Synodo Rom. anni 494 :

Item Decretales Epistolæ quas beatissimi Papæ pro diversorum Patrum consultatione dederunt, venerabiliter suscipiendæ sunt.

Prima Decretalis quæ ad nos pervenerit, Epistola Siricii est ad Himerium Episcop. Tarraconensem : aliæ omnes, quas Isidorus impostor noni sæculi Siricii prædecessoribus affinxit, spurias esse et supposititias agnoscunt hodie eruditi omnes. De earum suppositione consule, si velis, D. Petrum Coustant in Præfatione tom. 1. Epistol. Rom. Pontif. nn. 153. et seqq. Vide Decreta.